“Azərbaycanla Macarıstan arasında Strateji Dialoqun ilk iclasını çox məhsuldar keçirdik və çoxşaxəli əməkdaşlığımızın daha da dərinləşdirilməsinə dair hərtərəfli müzakirələr apardıq”.

Bu barədə Azərbaycanın xarici işlər naziri Ceyhun Bayramov özünün “X” hesabında paylaşım edib.

“Macarıstanın xarici işlər və ticarət naziri Peter Siyarto ilə görüşməkdən məmnunam”, - deyə XİN başçısı vurğulayıb.

Qeyd edək ki, nazirlər Azərbaycanla Macarıstan arasında Strateji Dialoqun ilk iclasının keçirilməsinə dair protokol imzalayıblar.