ABŞ müdafiə nazirinin keçmiş köməkçisi Stiven Brayan NATO-nun Ukraynaya əks-hücum üçün təklif etdiyi planı "ağılsız" adlandırıb.

Bu fikir Brayanın "Weapons and Strategy" saytında yayımlanan materialında deyilir.

Ekspertin fikrincə, belə bir fikir var ki, Kiyev hərbi uğur əldə etmək üçün Şimali Atlantika Alyansındakı tərəfdaşlarını dinləməli idi. Lakin Brayan belə düşünmür. Onun sözlərinə görə, NATO-nun planı əvvəldən "ağılsız" idi - o, hava örtüyü olmadan və səmərəsiz hava hücumundan müdafiə sistemləri ilə döyüşməyi nəzərdə tuturdu.

Materialda deyilir ki, Avropa torpaqlarında nəzəri müharibə olacağı təqdirdə ABŞ onun gizli təyyarələrinin və bombardmançılarının Rusiyaya qarşı təsirli olacağına ümid etməli olacaq.

Brayan vurğulayıb ki, Rusiya ordusu düşmən təyyarələrinin aşkarlanmasında müəyyən uğurlar əldə edib, həmçinin təsirli hava qüvvələrinə malikdir.

"NATO qoşunlarının, təbii ki, ukraynalı həmkarları ilə müqayisədə heç bir xüsusi üstünlüyü olmayacaq. NATO döyüşdə ağır itkilər gözləməlidir", - mütəxəssis qeyd edib.

Onun sözlərinə görə, Kiyevin əks-hücum əməliyyatını başqa cür həyata keçirməli olduğu barədə fikirlər gərgin mübarizə aparan və itkilər verən Ukraynaya təhqirdir.(Publika.az)