Pakistanda ildırım vurması nəticəsində 18 nəfər öldü

 

Pakistanın Bəlucistan, Pəncab və Sind əyalətlərində şiddətli leysan yağışları zamanı ildırım düşməsi nəticəsində azı 18 nəfər həlak olub.

Bu haqda “Samaa TV” məlumat yayıb.

Qeyd edilib ki, son iki gündə davam edən aramsız yağışlar və şimşək çaxmaları ən azı 18 nəfərin həyatına son qoyub.

Oxşar hadisələr Bahavalpur vilayətində də baş verib. Burada ildırım bir neçə yerə düşüb, nəticədə Şərqi Əhmədpurda bir qadın ölüb, iki nəfər yaralanıb.

Yaralılar xəstəxanaya yerləşdirilib. Məlumata görə, təbii fəlakət qurbanlarının hamısı işçilər olub.(Qafqazinfo)

 

0.16482281684875