Avstraliyalı şoumen və teleaparıcı Rolf Harris 94 yaşında vəfat edib.

Demokratikmusavat.com xəbər verir ki, bu barədə "Daily Mail" məlumat yayıb.

Onun ölümünə səbəb xərçəng xəstəliyi olub. Şoumen 2022-ci ildə diaqnozu qoyulan qırtlaq xərçəngindən əziyyət çəkirdi.

O, mayın 10-da ölüb, lakin ölümü yalnız bu gün Vindsor və Maidenhead Şurası tərəfindən qeydə alınıb. Sənətçi yandırılaraq dəfn edilib.

2014-cü ilin iyulunda Harris uşaqlar da daxil olmaqla, cinsi təcavüzə görə beş il doqquz ay həbs cəzasına məhkum edilib. Şoumen məşhurluğundan istifadə edərək qurbanı özünə rəğbətləndirib. Onu məhkəməyə verəcəyi təqdirdə statusu ilə də qorxudub. O, BAFTA mükafatından, həmçinin Britaniya İmperiyasının və Avstraliyanın ordenlərindən məhrum edilib.(Publika.az)