ABŞ Prezidenti Co Bayden və onun administrasiyasının üzvləri reeksport çərçivəsində Ukraynanın maraqlarına uyğun olaraq NATO müttəfiqlərinə F-16 qırıcılarının təhvil verilməsinə icazə vermək niyyətindədir.
“Demokratikmusavat.com ” xəbər verir ki, bu barədə "CNN" Ağ Evdəki mənbələrə istinadən məlumat yayıb.
Mətbu orqanın yaydığı məlumata görə, hazırda Bayden administrasiyasına Qərb müttəfiqlərindən F-16 qırıcılarının reeksportu ilə bağlı müraciət olunmayıb.
Mayın 17-də Ağ Ev F-16 qırıcılarının Ukraynaya mümkün tədarükü ilə bağlı yeni təfərrüatları açıqlamaqdan imtina edib. Eyni zamanda, ABŞ Müdafiə Nazirliyi digər ölkələrin Kiyevə F-16-ların verməsinə etiraz etmir.
Mürtəza
Demokratikmusavat.com