Avropa Şurasının Parlament Assambleyasının (AŞPA) siyasi məsələlər və demokratiya komitəsi Kosovonun Avropa İttifaqına heç bir əlavə ilkin şərt olmadan tamhüquqlu üzv kimi qəbul olunmasını tövsiyə edən sənədi təsdiqləyib.
Demokratikmusavat.com AZƏRTAC-a istinadən xəbər verir ki, Kosovo Prezidenti Vyosa Osmani ölkəsinin Aİ-yə üzvlüklə bağlı daha bir addım atdığını deyib.
“Ölkəmizin ittifaqa tamhüquqlu üzvlüyü vasitəsilə Kosovo vətəndaşlarının Aİ alətlərinə lazımi şəkildə çıxışını təmin etmək üçün işləməyə davam edəcəyik”, - deyə Vyosa Osmani bildirib.
Qeyd edək ki, aprelin 18-də AŞPA-da Kosovonun Aİ-yə üzvlüyünə dair səsvermə keçiriləcək. Kosovonun ittifaqa üzvlüyü ilə bağlı yekun qərar isə may ayında Avropa İttifaqının Nazirlər Şurasının iclasında veriləcək.
Xatırladaq ki, Kosovo 2022-ci il mayın 12-də Aİ-yə üzvlük üçün rəsmi müraciət edib.