“Ermənistan Rusiyanı dost ölkə hesab edir”.

“Qafqazinfo” xarici KİV-ə istinadən xəbər verir ki, bu barədə Ermənistanın Baş naziri Nikol Paşinyan canlı yayımda vətəndaşların suallarını cavablandırarkən bildirib.

Paşinyan vurğulayıb ki, İrəvan Moskva ilə münasibətləri qarşılıqlı hörmət əsasında qurmaq üçün bütün lazımi səyləri göstərmək niyyətindədir.
Ətraflı

“Biz Rusiya ilə münasibətlərin qarşılıqlı hörmət, maraqlara, suverenliyə və müstəqilliyə hörmət əsasında qurulmasını təmin etmək üçün hər şeyi edəcəyik”, - Paşinyan bildirib.

Ermənistanın Baş naziri əlavə edib ki, Rusiya və Ermənistanın həllini tələb edən müəyyən məsələləri var. 

Qeyd edək ki, Kremlin sözçüsü Dmitri Peskov bildirib ki, Rusiya Ermənistanın Minskdə keçirilən KTMT sammitində iştirak etməməsinə təəssüflənir:

“Moskva ümid edir ki, İrəvan bundan sonra da müttəfiqi və strateji tərəfdaşı olacaq”.