Fransaya BÖYÜK ŞOK: Trampın evindən Makronla bağlı dosye tapıldı

 

ABŞ-ın keçmiş prezidenti Donald Trampın Florida ştatında yerləşən Mar-a-Lagodakı evində aparılan axtarış orderinin məxfiliyi ləğv edilib. İctimaiyyətlə paylaşılan sənədə görə, agentlər reyd zamanı 20 qutu material ələ keçirib və qutularda 11 dəst məxfi sənədin olduğu açıqlanıb.

Demokratikmusavat.com xəbər verir ki, dörd sənəd dəstinin “tam məxfi”, digərlərinin isə “məxfi” kimi qeyd olunması nəticəsində Trampı casusluq ittihamı ilə üzləşib. Keçmiş prezidentin vəkilləri isə Floridadakı mülkdə ələ keçirilən sənədlərin gizliliyini inkar edirlər.

Amerikanın “Washington Post” qəzeti daha əvvəl evdə nüvə silahları ilə bağlı faylların axtarıldığını yazsa da, bu barədə rəsmi açıqlama verilməyib.

Tapılan sənədlərin içərisində ən diqqət çəkən element Fransa prezidenti ilə bağlı dosye olub. Tramp Fransa lideri Emmanuel Makronla bağlı faylı özü ilə Floridaya aparıb.

Xatırladaq ki, Tramp prezidentliyi dövründə Makronla kommersiya məsələlərində razılığa gələ bilmirdi.

Paris hökumətinin Amerikanın nəhəng texnologiya şirkətlərinə əlavə vergilər tətbiq etməsindən qəzəblənən Tramp “amerikalılar fransızlardan daha yaxşı şərab istehsal edir” deyərək Makronu fransız şərabına əlavə vergilər tətbiq etməklə hədələmişdi.

ABŞ-ın təyyarə istehsalçısı Boeing ilə Avropanın Airbus şirkəti arasındakı rəqabət də o zaman Vaşinqton-Paris münasibətlərinu gərginləşdirirdi.(musavat.com)

0.053762197494507