Fransa ordusu Nigerdəki Fransa hərbi və diplomatik aktivlərinə zərər vurmağa yönəlmiş istənilən yeni gərginliyə cavab verməyə hazırdır.
Demokratikmusavat.com xarici KİV-ə istinadla xəbər verir ki, bu barədə Fransa Baş Qərargahı məlumat verib.
Belə ki, Fransanın Niger Silahlı Qüvvələri ilə hərbi əməkdaşlığı iyulun 26-da başa çatıb. Buna görə də Fransa qoşunlarının Nigerdəki fəaliyyətinin Niamey aviabazası və irəli müşahidə məntəqələri ilə məhdudlaşdığı bildirilib.
Xatırladaq ki, Fransanın Niameydəki səfiri Silvain İttenə avqustun 25-də ölkəni tərk etmək üçün 48 saat verilib. Ölkəni tərk etmədiyi halda toxunulmazlığı qaldırılacaq və deportasiya ediləcək.
Fransa Prezidenti Emmanuel Makron avqustun 28-də Parisdə səfirlərin 29-cu konfransında çıxışı zamanı təzyiqlərə baxmayaraq səfirin Niameydə qalacağını bildirib.
Günay