Fransız şərabçıları satışların azalması ilə üzləşiblər, bunun nəticəsində satılmayan məhsul yığılıb anbarlarda qalıb.

Məlumata görə, respublikanın Kənd Təsərrüfatı Nazirliyi və Avropa İttifaqı şərabın məhv edilməsini nəzərdə tutan dəstək proqramına 200 milyon avro ayıracaq.

Şərab sənayedə, məsələn, ətir və ya hidrospirtli gellərin istehsalı üçün istifadə oluna bilən etanola distillə olunacaq. Bu, daxili satışların azalması, xarici bazarlarda rəqabət və Çində satışların azalması səbəbindən problemləri yaranan fransız şərabçılarına dəstək üçün daha geniş proqramın bir hissəsidir.

Üzüm bağlarının ləğvinə görə kompensasiyaların ödənilməsi sxemi nəzərdə tutulub. Bordoda 1000-ə yaxın şərabçı bununla razılaşıb və bölgədəki ümumi əkin sahəsinin 8%-ni təşkil edən 9200 hektar üzüm tənəyi məhv ediləcək.