Vaşinqton hesab edir ki, Çinin müdafiə naziri Li Şanfuya qarşı sanksiyalar iki ölkənin hərbçiləri arasında dialoqa maneə deyil.

APA-nın məlumatına görə, bunu ABŞ dövlət katibi Entoni Blinken CNN-ə müsahibəsində Pekini hərbçilər arasında dialoqa sövq etmək üçün Vaşinqtonun Çinin müdafiə nazirinə qarşı sanksiyaları ləğv etməyə hazır olub-olmadığı barədə sualına cavabında bildirib.

Onun sözlərinə görə, bu məhdudiyyətlər iki ölkənin nazirləri arasında təmaslara mane olmur.

Blinken, "Bu, Çinlə bağlı siyasi qərardır" dedi.