Almaniya sakinlərinin əksəriyyəti - 60%-dən çoxu hesab edir ki, Angela Merkel (2005-2021) federal kansler postunu tərk etdikdən sonra ölkədə həyat şəraiti pisləşib.

“Demokratikmusavat.com ” xəbər verir ki, bu barədə Merkelin 70 illik yubileyi münasibətilə “YouGov” ictimai rəyi araşdırma institutunun keçirdiyi sorğuda göstərilib.

Respondentlərin 61%-i hesab edir ki, Merkel hökumət başçısı postunu tərk etdikdən sonra ölkədə vəziyyət daha da pisləşib.

Bununla belə, respondentlərin yalnız 7%-i yaşayış şəraitinin yaxşılaşdığını, 25%-i isə hər şeyin təxminən eyni səviyyədə qaldığını bildirib.

Eyni zamanda, sorğuda iştirak edənlərin əksəriyyəti (28%) hesab edir ki, yaşayış şəraitinin pisləşməsinə səbəb Olaf Şoltsun rəhbərlik etdiyi hazırkı Almaniya hökumətinin yürütdüyü siyasətdir.

İyunun 28-dən iyulun 3-dək aparılan sorğuda 2030 nəfər iştirak edib.