Xeyli müddətdir ki, ölkəmizdə "TikTok" sosial şəbəkəsinə giriş məhdudlaşdırılıb. Antiterror tədbirləri başlayan zaman hökumətin bu resursun məhdudlaşdırılması istiqamətində atdığı addımlar məqbul və ağlabatan idi. Bununla belə, xatırladıram ki, hazırda istifadəçilərin əksəriyyəti VPN texologiyadan yaralanmaqla bu resursdan sərbəst istifadə edirlər.

"Ölkə.Az" xəbər verir ki, bunu IT sahəsi üzrə ekspert Osman Gündüz deyib. O bildirib ki, antiterror tədbirləri başa çatandan sonra ölkəmizdə "TikTok"a girişin bərpa edilməməsi düşündürücüdür:

"Düşünürəm ki, səlahiyyətli qurum olan Rəqəmsal İnkişaf və Nəqliyyat Nazirliyi buna aydınlıq gətirməlidir. Hansısa hüquqi əsaslar olmadan belə durumun qalması da doğru bir yanaşma deyil.
Xüsusilə də, VPN-lərdən kütləvi istifadə təhlükəsizlik üçün əlavə təhdidlər yaradır.

Fikrimcə, hökumətin bu resursdan uşaqların təhlükəsizliyini təmin etmək şərtilə effektiv istifadə edilməsi, biznes və marketinq baxımından səmərəli istifadə edilməsi, azərbaycandilli faydalı kontentin yaradılmasına diqqət yetirməsi daha ağlabatan olardı. "TikTok"un nümayəndəliyini açmaq, burada dövr edən vəsaitləri vergiyə cəlb etmək, bu qlobal resursla əməkdaşlıq edib, uşaqları qorumaq üçün əlavə imkanlar yaratmaq, azərbaycandilli faydalı kontentin inkişafına dəstək almaq daha doğru olardı".

"Qazaxıstanda təşkil olunan Cənubi Asiyanın ən böyük Digital Bridge texnologiya forumunda "TikTok"un rəhbərini də başda oturdublar. Xatırladıram ki, Qazax dilində elm, təhsil, oyun və əyləncə yönümlü faydalı video materialların yaradılması üçün, bu resursdan marketinq və biznes məqsədilə istifadəni stimullaşdırmaq üçün "TikTok" Qazaxıstana böyük vəsaitlər ayırır", - deyə ekspert əlavə edib.

Könül
Ölkə.Az