Ukrayna Prezidenti Volodimir Zelenski bildirib ki, hazırda İranın Rusiyaya raket satışı ilə bağlı heç bir fakt yoxdur.

Demokratikmusavat.com xəbər verir ki, Ukrayna Prezidenti bu barədə NATO-nun Baş katibi Yens Stoltenberqlə keçirdiyi brifinqdə məlumat verib.

“Müvafiq orqan və tərəfdaşlarımız bildirir ki, İranın Rusiya Federasiyasına raket satması ilə bağlı hələlik heç bir fakt yoxdur. Tərəfdaşlarımız hazırda bu məsələ ilə məşğul olur” , - Zelenski vurğulayıb.

Qeyd edək ki, Ukraynaya  işğal başladandan Rusiya Şahed tipli kamikadze pilotsuz uçan aparatların tədarükü üçün İrandan kömək istəyib. O vaxtdan Rusiya müntəzəm olaraq bu PUA-lardan Ukraynanın hərbi və mülki infrastrukturuna hücum etmək üçün istifadə edir. Buna görə də İrana qarşı çoxsaylı sanksiyalar tətbiq olunur.