Neft tələbinin gündəlik 110 milyon barrelə qədər artacağı gözlənilir. Bu onu sübut edir ki, neft növbəti onilliklərdə qlobal enerji infrastrukturunun mühüm hissəsi olmaqda davam edəcək.

Demokratikmusavat.com xəbər verir ki, bu açıqlama ilə OPEK-in Baş katibi Haytam əl-Qeys çıxış edib.

"Bu, son onilliklərdə neft dövrünün bitdiyinə dair bir çox iddialarla kəskin şəkildə ziddiyyət təşkil edir. Həqiqətən də müasir tələbat bütün zamanların ən yüksək səviyyəsinə yaxındır və 2023-cü və 2024-cü illərdə təxminən gündə 5 milyon barrel artacaq.

Hazırda heç bir enerji növü enerjiyə tələbatı ödəyə bilməz. Bunun əvəzinə “bütün insanlar, bütün yanacaq növləri və bütün texnologiyalar” yanaşması tələb olunur”, - Qeys qeyd edib.(axar.az)