"Şamaxı" klubu yeni loqosunda yaranma tarixini dəyişib.

Demokratikmusavat.com ın məlumatına görə, bu barədə "Şamaxı"nın İdarə Heyətinin sədri Elçin Usub jurnalistlərə açıqlamasında bildirib.

O, klubun loqosunda 1997-ci ildə yaradılmış "Xəzər Universiteti" komandasının təsis ilini götürdüklərini açıqlayıb: "Varislik məsələsi uzun müddət müzakirə olundu. Bunun üzərində çox dayanmaq istəməzdim. Bəli, 1997-ci il "Xəzər Universiteti"nin yaranması ilə bağlıdır. Biz kökümüzü "Xəzər Universiteti"nin yaranmasından götürürük".

"Şamaxı"nın təqdimat mərasiminə dəvət olunmuş sabiq "Xəzər Universiteti"nin təsisçisi və prezidenti Hamlet İsaxanlı isə bölgə komandasına xeyir-dua verib.

Qeyd edək ki, "Xəzər Universiteti"ndən sonra onunda davamçısı sayılan "İnter"də yaradılış tarixi kimi 2004-cü il göstərilirdi.