ABŞ-nin Merilend Universitetində Müstəqillik Günü ərəfəsində Azərbaycanla bağlı təqdimat keçirilib.

Ölkə.Az xəbər verir ki, təqdimatda ölkəmizin tarixi, bu günü və   noyabr ayında Bakıda  keçiriləcək COP29 iqlim sammiti barədə  tədbir iştirakçılarına məlumat verilib. 

Tədbirdə çıxış edən Azərbaycanın birləşmiş ştatlarda səfirliyinin konusulu Ceyhun Novruzov isə ölkəmizin yerləşdiyi coğrafi mövqe, zəngin mədəni irsi, eləcə də müstəqil dövlət kimi davamlı inkişafından,  müasir beynəlxalq münasibətlər sistemində, xüsusən də enerji təhlükəsizliyi, qlobal geosiyasi proseslərdə oynadığı  mühüm rol barədə  geniş məlumat verib.

Tədbirdə daha sonra  Universitetin Azərbaycan Tələbə İcmasının üzvləri  Fazil Məmmədli və Cavid Rəhimli Azərbaycanla bağlı geniş təqdimatla çıxış ediblər. Azərbaycanlı tələbələr təqdimatlarında Azərbaycanın tarixi mədəniyyəti, müasir  beynəlxalq münasibətlər sistemində   əhəmiyyəti və oynadığı rol,  İkinci Qarabağ müharibəsini yaradan səbəblər, Ermənistanın işğalına son verilməsi. işğaldan azad olunmuş  torpaqlarda aparılan abadlıq-quruculuq işləri, "Böyük Qayıdış" proqramının uğurlu icrası  məlumat veriblər. Tələbələr tədbir iştirakçılarını maraqlandıran sualları cavablandırıblar.

 Mürtəza
Ölkə.Az