"Bir adam büdrəyib yıxılanda ona yazığınız gəlməzmi?".

"Ölkə.az" xəbər verir ki, bu sualla Zaur Kamal verlişinin qonağı olan Cabbar Musayevə müraciət edib.

Məşhur musiqiçinin cavabı maraqlı olduğu qədər həm də olduqca sərt alınıb:

"Büdrəyəndə bir dəfə tutmuşam, iki dəfə tutmuşam, üç dəfə tutmuşam. İnsan büdrəyəndə ona kömək edirsən. İki dəfə büdrəyir, kömək edirsən, üçüncü dəfə bu hal yenə baş verəndə baxırsan ki, o, nəyə görə büdrədi və bu dəfə "padnoşkanı" özün qoyursan ki, büdrəsin və bir daha ayağa qalxmasın. Çünki iki-üç dəfə sən ona yardım etdin, qolundan tutdun axı.

Zaurun "Bir adam ki, xəstədirsə, səhhəti yerində deyilsə, ürəyiniz ağrımazmı o adama?", - sualına Cabbar Musayev qəti şəkildə "Xeyr!" deyib.

C.Musayev fikrini belə izah edib: "Ona görə ki, insan xəstə ola bilər, insan imkansız ola bilər, insan nəsə əldə edə bilməyə bilər. Ancaq onun bu xəstəliyinin dilə nə dəxli var?! Dili şirin olan insan üçün mən həmişə ürəyimi verərəm".

Qeyd edək ki, Cabbar Musyaevin şou-biznes aləmində küslü olduğu məşhurlar sırasında Musa Musayevlə yanaşı Elxan Şirinovun da adı keçir.