Ermənistanın paytaxtı İrəvanda Azərbaycan və Türkiyə bayraqlarının yandırılması həyasız təxribat və alçaqlıqdır.

"Ölkə.az" xəbər verir ki, bu barədə Türkiyənin “Haber Global” televiziyasında mövzu ətrafında təşkil edilən müzakirələrdə yerli ekspertlər bildiriblər.

Altınbaş Universitetinin müəllimi Eray Güclüer deyib ki, Azərbaycan Ordusunun gücü qarşısında aciz qalan erməni xisləti arxa planda özünü nümayiş etdirib. Onun sözlərinə görə, sözügedən təxribat 44 günlük Vətən müharibəsində biabırcasına məğlub olan ermənilərin iç üzünü açıq-aşkar göstərir.

"Əgər sizdə həya varsa, ordu sizi gözləyir, gedin döyüş meydanında özünüzü sübut edin! Azərbaycan Ordusunda bir nəfər olsun da döyüş meydanından qaçmadı. Ermənistanda isə minlərlə fərari var", - ekspert vurğulayıb.

Müzakirələrdə iştirak edən digər ekspertlər birmənalı olaraq bayraq təxribatını qınayıblar.