“Qalatasaray” müdafiə xəttini yeni futbolçu ilə gücləndirməyi planlaşdırır.

İtalyan insayder Fabritsio Romanonun yaydığı məlumata görə, İstanbul təmsilçisi “Tottenhem”də çıxış edən Devinson Sançesi transfer etmək istəyir.

“Sarı-qırmızılar” 27 yaşlı mərkəz müdafiəçisi üçün London təmsilçisinə doqquz milyon avroluq rəsmi təklif göndərib.
Davinson Sançes 2017-ci ilin yayında “Ayaks”dan “Tottenhem”ə keçib. Kolumbiyalı futbolçu ötən mövsüm Premyer Liqa təmsilçisinin heyətində 24 rəsmi matçda meydana çıxıb.(oxu.az)