"Derniere Renovation" assosiasiyanın iki fəalı Fransa Baş nazirinin Parisdəki Matinyon sarayında yerləşən iqamətgahının girişindəki darvaza və divara narıncı boya atıblar.

Demokratikmusavat.com  TASS-a istinadən xəbər verir ki, bu barədə assosiasiya öz tviter səhifəsində məlumat yayıb.

Yayılan videoda 20 və 22 yaşlı iki gəncin saxlanma anı əks olunub. Onların əynində “Kimdir günahkar?” yazılmış köynəklər olub.

Bəyanata görə, məsələ ölkənin Dövlət Şurasının qərarında tələb olunduğu kimi, iqlim dəyişikliyi ilə mübarizəni gücləndirmək üçün dövlətin kifayət qədər fəaliyyət göstərməməsindən gedir.

2020-ci ildə bu qurum ölkənin 13 şəhərində havanın azot dioksidi və incə hissəcikləri ilə çirklənməsinin qarşısının alınması üçün səlahiyyətli orqanlar tərəfindən heç bir tədbir görülməməsi ilə bağlı ilk dəfə bəyanat yayıblar.