Üç ölkənin razılığından sonra NATO Baş katibindən ilk açıqlama

 

NATO-nun Baş katibi Yens Stoltenberq İspaniyanın paytaxtı Madriddə Türkiyə, İsveç, Finlandiya və NATO arasında keçirilən dördtərəfli sammitdən sonra ilk açıqlamasını verib.

Demokratikmusavat.com xəbər verir ki, İsveç və Finlandiyanın NATO-ya üzvlüyü üçün razılaşma əldə edildiyini bildirən Stoltenberq “Son 10 ilin ən böyük təhlükəsizlik böhranı aşıldı” deyib. O bildirib ki, NATO ölkələrinin liderləri sabah İsveç və Finlandiyanı NATO-ya üzv olmağa dəvət etmək barədə qərar qəbul edəcəklər:

“İsveç və Finlandiyanın NATO-ya üzvlüyü ilə bağlı razılıq əldə olunub. Son 10 ilin ən böyük təhlükəsizlik böhranı aradan qaldırılıb. Yekdilliklə nəticəyə gəlməliyik. Finlandiya və İsveç Türkiyə ilə işləməyə hazırdır. Bu zirvə transformasiya zirvəsi olacaq. Liderlər bu gün Madriddə bir həllə nail ola biliblər. Mən bu prosesə inanıram, onlar bu müqavilədəki öhdəliklərə sahib olacaqlar və yerinə yetirəcəklər. İsveç və Finlandiyanın üzv olması da onlar üçün vacibdir”. 

Qeyd edək ki, NATO sammitində gündəmdə olan məsələlərdən biri də İsveç və Finlandiyanın NATO-ya üzvlüklə bağlı müraciətidir. Müraciətin qəbul edilməsi üçün NATO-ya üzv olan 30 ölkənin hamısının razılığı tələb olunur.

0.16357707977295