İsrail Ordusu bu gün Yəməndə husilərin obyektlərinə zərbə endirildiyini təsdiqləyib.

Hücumda İsrail Ordusunun 10 hərbi təyyarəsi iştirak edib, Hudeydə və Ras-İsa limanlarındakı obyektlərə zərbə endirilib.

Hədəf elektrik stansiyası və liman olub. Qeyd edilib ki, husilər bu infrastrukturdan İran silahlarını və neftini regiona göndərmək üçün istifadə edir.

İsrail Ordusu aviazərbənin husilərin bu ay İsrailə 3 ballistik raket atmasına cavab olduğunu açıqlayıb. (APA)