“İstəyərdim ki, futbolumuz daha çox inkişaf etsin. Bunun üçün hər bir imkanımız var idi. Xüsusilə də, 2005-2015-ci illərdə dövlət proqramı tərtib olunmuşdu və futbola çox böyük dəstək var idi, çox böyük vəsaitlər ayrılırdı”.

“Ölkə.az” xəbər verir ki, bunu “Zirə”nin baş məşqçisi Rəşad Sadıqov “Zarafat Bir Yana” verilişində deyib.

Məşqçinin sözlərinə görə, o illərdə ayrılan vəsaitlər düzgün yönləndirilməyib:

“Həmin “qızıl vaxt”dan doğru istifadə etmədik. “Qarabağ”ın uğurları olana kimi o qədər məclislər olurdu ki, adam futbolçu olduğunu deməyə utanırdı”.