“Mançester Siti”nin hücumçusu Erlinq Haaland Argentina millisinin və “İnter Mayami”nin futbolçusu Lionel Messini dünyanın ən yaxşısı hesab edir.

“Qafqazinfo” xəbər verir ki, bu barədə o, öz açıqlamasında bildirib. 23 yaşlı oyunçu deyib: 

“Messi indiyə qədər oynamış ən yaxşı oyunçudur. Bəlkə də, o, karyerasını başa vurmalıdır ki, başqası ən yaxşı hesab olunsun”.

Xatırladaq ki, “İnter Mayami”nin və Argentina millisinin hücumçusu Messi ötən mövsümün sonunda dünyanın ən yaxşı futbolçusuna verilən “Qızıl top” mükafatını qazanmışdı. Bu mükafat üçün keçirilən səsvermədə norveçli hücumçu 2-ci yeri tutub.