İranın Hormozqan əyalətinin Hacıabad şəhərində kustar üsulla hazırlanmış spirtli içkidən 11 nəfər zəhərlənərək xəstəxanaya yerləşdirilib.

Publika.az xəbər verir ki, bu barədə “Azad İran” “Telegram” kanalı məlumat yayıb.

Məlumata görə, zərərçəkənlərdən ikisi reanimasiya şöbəsinə, daha üç nəfəri isə bulanıq görmə və başgicəllənmə əlamətləri ilə palataya yerləşdirilib və hazırda nəzarət altındadır.

Qalan 6 nəfərin vəziyyəti ilə bağlı heç bir məlumat yoxdur.

Xatırladaq ki, bundan əvvəl İranın şimalındakı Əlborz əyalətində saxta içkidən zəhərlənmə qeydə alınıb. Həmin hadisədə zəhərlənənlərin sayı 182 nəfər olub.