Ermənistan Milli Elmlər Akademiyasının akademiki Gevorq Poqosyan bildirib ki, Ermənistan cəmiyyətinin Qarabağ məsələsində biganə mövqe sərgiləməsinin əsas səbəbi Xankəndidə olan ermənilərə münasibətinin  mənfi istiqamətdə dəyişməsidir.

“Demokratikmusavat.com ” xəbər verir ki, o bunu “sputnikarmenia”ya müsahibəsində deyib.

Akademik hesab edir ki, bu gün Ermənistan nə qədər ciddi təhdidlərlə üz-üzə və Qarabağ probleminin həllində çəyin vəziyyətdə olsa da, erməni cəmiyyətini konsolidasiya  etmək mümkün deyil. 

“Bunun isə iki səbəbi var: Birincisi, liderin olmamasıdırsa, ikincisi,  Ermənistan cəmiyyətinin Qarabağ ermənilərinə olan münasibətin mənfi istiqamətdə  dəyişməsidir. 1988-ci ildə Ermənistan əhalisinin Qarabağ və oradakı ermənilər barədə təsəvvürləri fərqli idi.  Lakin son onilliklər ərzində bu insanlarda Qarabağ ermənilərinə olan münasibət müəyyən dəyişikliklərə məruz qalıb”, -o qeyd edib.

Poqosyan hesab edir ki,  ortaya çıxa biləcək liderin nə indiki hakimiyyətlə, nə də əvvəlki prezidentlərlə hər hansı formada əməkdaşlığı olmamalıdır.

O əlavə edib ki, müxalifət düşərgəsində yetərincə tanınmış siyasi qüvvələr olmasına baxmayaraq, parlamentdə təmsil olunurlar, aralarında birlik yoxdur.

“Heç kim onların eyni tribunada dayandığını görməyib”, - Poqosyan bildirib.

Mürtəza
Demokratikmusavat.com