Ərdoğanın yenidən Türkiyə prezidenti seçilməsi gözlənilir
Əvvəlcə qeyd edim ki, ölkədaxili siyasətində xeyli nöqsan və qüsurlara yol verdiyinə, Türkiyəni iqtisadi tənəzzüldən çıxara bilmədiyinə, ölkədə demokratiya basqıya məruz qaldığına, avtoritarizm gücləndiyinə görə, Ərdoğanın prezident fəaliyyəti müxalifət tərəfindən tənqid olunur.
Lakin bir həqiqəti də qeyd edək ki, Mustafa Kamaldan sonra Türkiyəyə rəhbərlik etmiş baş nazirlərin, prezidentlərin heç biri Ərdoğan qədər Türkiyə dövlətini gücləndirən, xalqın başını ucaldan ikinci rəhbər olmayıb. Ərdoğanın prezident kimi imza atdığı uğurları xatırlamaq üçün onun hakimiyyətdə olduğu son 21 il ərzində Türkiyə üçün etdiklərinə nəzər salmaq lazımdır. Ərdoğanın uğurlarını sıralayarkan Türkiyə dövlətini ABŞ və Qərb ölkələrinin diqtəsilə idarə olunmasına son qoymasını, Türk dünyasını birləşdirməsini, "Quran"ı yandıran din düşmənlərini dərhal ifşa etməsini, Türk–İslam dünyasını Qərbin təhqirdən və böhtandan müdafiə etməsini, Türk Dövlətləri Təşkilatını yaratmasını, Azərbaycanın işğal altında olan torpaqlarının azad olunmasını etiraf etmək lazımdır.
Ərdoğanın üstünlüklərindən digər biri də odur ki, Qərb özünün “beynəlxalq demokratik dəyərlər” silahından istifadə edib, islam əxlaqına tapınan dünyamızı qara rəngə boyamağa çalışan məkrli xristian dövlətlərinin caynağından Türk–İslam dünyasını azad etməsidir. Ona görə də, ABŞ və Qərb uzun illər məqsədli şəkildə Türkiyə dövlətinin daxilinə sızdırdığı, vətəndaşlıq qazanmış, müxalifət libasına bürünmüş, xarici düşmənlərin tapşırıqlarını həvəslə yerinə yetirən FETÖ-çu düşmən qüvvələrlə Türkiyədə dövlət çevrilişi etməyi bacarmadılar.
Amma prezident kürsü-sünü Kılıcdaoğlu vasitəsilə ələ keçirməklə, Türkiyəni köhnə əyyamlara qaytarmağa çalışırlar. Bu cür çirkin məqsədlərinə çatmaq üçün düşmən Türkiyədə keçiriləcək prezident seçkilərinin ikinci turunda xalqı Ərdoğana qarşı qaldırmaq üçün yalan və böhtandan istifadə etməyə çalışır.
Türkiyə müxalifətinin prezidentliyə namizədi Kamal Kılıcdaroğlunu prezident kürsüsünə əyləşdirmək üçün türk düşmənlərinin onun arxasında birləşdirdiklərinə diqqət edin. Türkiyəni parçalamaq üçün çoxdan hazırladığı, silahlandırdığı və hərəkətə keçirdiyi PKK, ASALA, FETÖ terror təşkilatları və onların himayədarları bir sırada dayanıblar. Bundan əlavə, bu təşkilatları daim “insan haqları və beynəlxalq demokratik dəyərlər”in Türkiyə tərəfindən pozulması pərdəsi altında müdafiə edən ABŞ və Avropanın xristian dövlətləri, Türkiyə dövlətini açıq-aşkar parçalamaq planı ilə siyasi fəaliyyətə qoşulan HDP və digər bu tipli siyasi don geyinmiş təşkilatlar türk xalqına basqı yapır və Ərdoğanı deyil, Kamal Kılıcdaroğlunu prezident seçdirməyə cəhd edirlər. Dünya siyasətindən baş açmayan, Türkiyə dövlətini zəiflətmək, Türk-İslam dünyasının birləşməsinin qarşısını almaq üçün xarici və daxili düşmənləri israrla müdafiə edənlər milliyyəti bəlli olmayan Kılıcdaroğlunu Türkiyəyə prezident seçməklə məqsədlərinə çatacaqlarına ümid edirlər.
Gəlin, Kamal Kılıcdaroğlunun ətrafına toplaşan müxalifətin tərkibinə diqqət edək, görək onu prezident seçmək üçün dəridən-qabıqdan çıxanlar kimlərdir və məqsədləri nədir? Əvvəl adını “6-lı masa” qoyduqları müxalifət sırasına HDP-ni də cəlb etməklə, “6-lı masa”nı “7-li masa”ya çevirdilər. Prezidentliyə namizəd Kamal Kılıcdaroğlu özü və onun ətrafında birləşənlər – Maral Akşener, Əkrəm İmamoğlu, Mansur Yavaş, Əhməd Davutoğlu, Əli Babacan, Təməl Qaramollaoğlu təbliğat-təşviqat kampaniyasında namizədlərinin heç bir terrorçu təşkilatlarla bir masa arxasında oturmadığını və bundan sonra da oturmayacağını tez-tez təkrar etsələr də, Kamal Kılıcdaroğlunun PKK-nı dəstəkləyən HDP ilə bir masa arxasında oturmasını əks etdirən videolar hər gün Türkiyə televizyalarının ekranlarında xalqa nümayiş etdirilir. Bu videolar heç də Kamal Kılıcdaroğlunun sabiq CHP başqanı, mərhum Dəniz Baykala və hazırkı seçkilərdən prezidentliyə namizədlərdən biri olmuş, CHP tərəfindən təşkil olunan şantaj videoları ilə namizədlikdən geri çəkilməyə məcbur edilən, hazırda xəstəxanada müalicə alan Məhərrəm İncəyə qarşı təşkil etdiyi saxta montaj videosu deyil. Türkiyənin efir və ekranlarda xalqın hər gün izlədiyi görüntülər Kamal Kılıcdaroğlunun PKK terror təşkilatını himayə edən HDP rəhbərlərilə bir masa arxasında oturduğunu əks etdirən gerçək videolardır.
Altını cızmaqla, oxuculara onu da xatırladım ki, ABŞ-ın, Avropa dövlətlərinin, o cümlədən bütövlükdə inkişaf etmiş Qərbin Türkiyədə keçirilən hər bir seçki prosesinə müdaxiləsi ənənəyə çevrilib. Türkiyəyə nisbətən, insan haqları və dünyəvi demokratik dəyərləri öz ölkələrində həyata keçirən və insanların normal yaşayışını təmin edən, lakin açıq əxlaqsızlıq məkanı sayılan Qərb ölkələri dünyanın digər ölkələrini, o cümlədən, Türkiyəni öz təsiri altına salmaq üçün qara piardan istifadə edir. Bu cəhətdən Türkiyədə keçirilən prezident seçkisi Qərbin fasiləsiz və ardıcıl hədəfinə çevrilib.
Kamal Kılıcdaroğlunu Tür-kiyənin prezidenti kürsüsündə əyləşdirmək üçün ABŞ-ın özünü idarə edə bilməyən, yeriyəndə büdrəyib yıxılan, qocalıb əldən düşmüş, qulağından ölüm iyi gələn prezident Cozef Bayden, Fransanın homoseksul prezidenti Makron, Yunanıstanın mafioz baş naziri Kiriakos Mitsotakis və digər düşmənlər çox ciddi cəhdlə çalışırlar. Qərbə görə, idarəolunmaz beynəlxalq siyasi füqura çevrilən Ərdoğanın yenidən Türkiyə prezidenti seçilməsi yolverilməzdir. Rusiya-Ukrayna müharibəsinin gedişində müharibə edən hər iki tərəflə münasibətləri Ərdoğanın normal məcraya yönəltməsi, onları bir masa arxasında əyləşdirməsi, Ukrayna taxılının Qara dənizdən Türkiyənin nəzarətində olan boğazlar vasitəsilə dünyanın müxtəlif ölkələrinə təhlükəsiz yola salmasını təmin etməsi Qərbi çox narahat edir. Ərdoğanın bu istiqamətdə fəaliyyətini dünya ictimaiyyətinin yüksək qiymətləndirməsi də Qərbə xoş gəlmir.
Eyni zamanda, Qərb dövlətlərinin rəhbərləri Türkiyə prezidentinin dünyada hər gün artan nüfuzundan qorxurlar. Onlar yaxşı bilir ki, Kamal Kılıcdaroğlu kimi siyasətin əlifbasını bilməyən, dünyada gedən siyasi proseslərdən baş çıxarmayan bir ünsür Türkiyəyə prezident seçiləcəyi halda, Ərdoğanın siyasi arenada fəth etdiyi zirvəyə heç vaxt yüksələ bilməz. Qərb dövlət rəhbərlərinə də Kılıcdaroğlu kimi əfəl lazımdır ki, Türkiyə dövlətinin imkanlarından çirkin məqsədlər üçün sərbəst istifadə etsinlər.
Tarixə baxın, Ərdoğan yeganə Türkiyə prezidentidir ki, Azərbaycanla dostluq və qardaşlıq bağlarını sözdə yox, əməli işdə həyata keçirir. 2020-ci ildə 44 günlük Azərbaycan-Ermənistan arasında baş verən Vətən müharibəsində Türkiyənin Azərbaycanın yanında olduğunu açıq bəyan etməsi və işğal altındakı torpaqların azad olunmasındakı rolunu xalqımız yüksək qiymətləndirir. Ərdoğan bu hərəkətilə vaxtı ilə CHP-nin Azərbaycan türklərinə qarşı etdiyi çinayəti - Stalindən qorxaraq, Türkiyəyə sığınmış azəri türklərini bolçeviklərə təslim edərək, Bolatan körpüsündə həmin insanların bolşeviklər tərəfindən vəhşicəsinə güllələnməsi cinayətinin əvəzini çıxdı. Azərbaycanın çətin və dar günündə hər cür dəstək verən Türkiyə prezidenti Ərdoğanın və ətrafının 21 illik şərəfli fəaliyyətinə yalan, böhtan və əxlaqsız üsullarla kölgə salmağa çalışan CHP-nin prezidentliyə namizədi Kamal Kılıcdaroğlu ölkəmizə düşmən kəsilmiş ünsürlərdən daha təhlükəlidir. Hətta həyasızcasına tarixi “İpək yolu” layihəsinin Azərbaycandan keçməsinə qarşı olduğunu ekranlardan bəyan edən Kılıcdaroğlu ilə bir masa arxasında oturmaq belə, cinayətdir.
Beləliklə, iki qardaş ölkə arasında düşmənçilik cəbhəsi yaratmaq istəyən zatın mayın 28-də Türkiyədə keçiriləcək ikinci tur prezident seçkisində türk xalqına və dövlətinə layiq rəhbər olan Ərdoğanı qoyub, Kılıcdaroğlunu Türkiyə prezidenti seçəcəyinə inanmaq çətindir.
Bütün müsbət keyfiyyətlərlə yanaşı, təbii ki, Ərdoğan hakimiyyəti nöqsansız da deyil, hər bir hakimiyyətdə olan rəhbər kimi, idarəetmədə səhvlər, nöqsanlar var və ümid edirik ki, buraxılmış səhvlər Ərdoğan yenidən prezident seçildikdən sonrakı dönəmdə aradan qaldıracaq, Türkiyənin daxili siyasətində yol verilmiş nöqsanların səbəbləri dərindən araşdırılacaq. Türkiyədə hamı duyur ki, Ərdoğanın yenidən Türkiyənin prezidenti seçilməsinə ciddi ehtiyac var...
