“Ukrayna ən azı bir əsr Rusiya ilə barışıq və əməkdaşlığa razı olmayacaq. Bu istiqamətdə addımlar atmaq üçün Rusiya Federasiyası demokratik, demilitarizasiya olunmuş və nüvəsiz dövlətə çevrilməlidir”.

“Demokratikmusavat.com ” xəbər verir ki, bunu Ukraynanın Baş naziri Denis Şmıqal deyib.

Şmıqal vurğulayıb ki, Ukrayna beynəlxalq səviyyədə tanınmış sərhədləri olan suveren ölkədir, ona görə də işğalçı ölkə ilə güzəştə gedə bilməz.

“Yeganə kompromis Rusiya qoşunlarının Ukraynadan 1991-ci il sərhədlərinə tam çıxarılmasıdır. Ruslar atəşi və təcavüzü dayandırmalı və ərazimizi tərk etməlidirlər. İnanıram ki, sərhədlərin dəyişdirilməsi Avropa üçün də qəbuledilməz kompromis olardı”.

Baş nazir həmçinin Aİ-yə erkən üzvlük və ölkənin qalan hissəsi üçün güclü təhlükəsizlik təminatları müqabilində ərazi bütövlüyü ilə bağlı hər hansı kompromisləri rədd edib:

“Ukrayna ərazi bütövlüyü ilə bağlı heç bir kompromis görmür. Cəmiyyət buna imkan verməyəcək. Minlərlə ən yaxşı insanımız həlak oldu ki, bütün dünyanı şantaj edən qanlı terrorçu və təcavüzkarla kompromis axtaraq”.