Sənli xatirələrim
Vərəqlənir bu gecə.
Məhəbbət məktubları
Vərəqlənir gizlicə, -
Xatirələr yarpaq-yarpaq.

Xatirədi bu payız,
Xatirədi bu rüzgar.
Xatirədi bu yağış.

Bu dünyada ayrılıq var,
Ayrılıq qara qarğış-
Xatirələr yarpaq-yarpaq.

Bir gün məni öz qoynuna
Alanda qara torpaq,
Sənə əmanət qalar
Xatirələr yarpaq-yarpaq.

Vərəqlənir bu gecə
Sənlə keçən hər anım.
Xatirələrdə qaldı
Göz yaşim, həyəcanım.

Xatirələr yaxın-uzaq,
Xatirələr yarpaq-yarpaq.

Adil Şirin

Demokratikmusavat.com