Böyük Britaniya kralı III Çarlz bir neçə il əvvəl kraliça II Yelizavetanın əlindən aldığı Kral Dəniz Qüvvələrinin general-kapitan hərbi titulunu şahzadə Harriyə geri verib.

Sasseks hersoqu 2017-ci ilin dekabrında babası Şahzadə Filipin yerinə kraliça tərəfindən general-kapitan təyin edilib. 2021-ci ildə kraliça II Yelizaveta həyat yoldaşı Meqan Marklla birlikdə Britaniya kral ailəsinin üzvləri olmaqdan çıxdıqdan sonra nəvəsini sevimli titulundan məhrum edib.Cütlük ABŞ-a köçmək, işləmək və sahibkarlıq fəaliyyəti ilə məşğul olmaq hüququ əldə etmək üçün belə bir qərar verib.

Mənbələrin dediyinə görə, şahzadə Harri nənəsinin bu qərarına kədərlənib, çünki o, hərbi titullarına xüsusi həssaslıqla yanaşırdı. 

Harri Kral Dəniz Piyadalarına göndərdiyi şəxsi mesajında ​​general-kapitan titulunu yenidən almaqdan məmnun olduğunu bildirib.