Bir çox futbol təşkilatı, mütəxəssis və idmançının fikrincə, futbol tarixinin ən yaxşı oyunçularından biri olan Braziliya millisinin sabiq hücumçusu Ronaldo “Qızıl top”un gələcək qalibi barədə proqnozunu açıqlayıb. Demokratikmusavat.com xəbər verir ki, veteran futbolçu “Real Madrid”in fransalı hücumçusu Kərim Benzemanın qalib gəlmək şansının çox olduğunu bildirib.

“Düşünmürəm ki, Benzemanın məğlub olmaq şansı olsun. Onun nüfuzlu göstəriciləri var və Çempionlar Liqasında qol vurmaqdan həzz alır. Başqası qalib gələ bilərmi? Nəzəri olaraq, bəli, amma Benzemanın keçən mövsüm etdiyi şey digər oyunçuların nailiyyətlərindən çox fərqlidir”, - deyə Ronaldo bildirib.

Xatırladaq ki, “Qızıl top”un təqdimetmə mərasimi oktyabrın 17-də baş tutacaq.

Bundan əvvəl Benzema Avropa Futbol Assosiasiyaları İttifaqının (UEFA) versiyasına görə ötən mövsümün ən yaxşı oyunçusu seçilib.