"Ukraynada gedən döyüşlər zamanı Rusiya ordusu qadağan olunmuş silahlardan geniş istifadə etməklə yanaşı, yeni silahları sınaqdan keçirir".

Milli.Az publika.az-a istinadla xəbər verir ki, bu barədə Ukrayna Müdafiə nazirinin müavini Anna Malyar milli telemarafonun efirində bildirib.

"Ruslar beynəlxalq normaların qadağan etdiyi geniş çeşiddə silahlardan istifadə edirlər. Beynəlxalq hüquqla icazə verilən müharibə qaydaları və adətləri var. Deməli, həqiqətən də icazə verilən silahlar da var, qadağan olunan silahlar da. Beləliklə, Rusiya qadağan olunmuş silahların tam çeşidindən istifadə edir. Üstəlik, onların silahlarının bir hissəsi araşdırılır, müharibədən yeni modelləri sınaqdan keçirmək üçün istifadə edirlər və bütün bunlar burada istifadə olunur", - deyə Malyar bildirib.

O, bildirib ki, Rusiya müharibənin bütün norma və adətlərini pozur.