Qərbin sanksiyaları altında Rusiyanın həm Ermənistanda, həm də Azərbaycanda mövcudluğu yenidən formalaşdırılır. 

Demokratikmusavat.com xəbər verir ki, bunu rusiyalı politoloq Andrey Areşev deyib.

Onun fikrincə, bu məsələdə qarşılıqlı faydalı əlaqələr olacaq və onlar təkcə dövlət qurumları deyil, ayrı-ayrı şirkətlər, korporasiyalar səviyyəsində də inkişaf edəcək.

Təhlükəsizlik məsələlərinə gəlincə, ekspert əlavə edib ki, bölgədə təhlükəsizlik sahəsində də vəziyyət dəyişir: "Türkiyə daha çox əhəmiyyət kəsb edir, çünki təkcə Bakı deyil, İrəvan da bununla razılaşır.

Eyni zamanda, Rusiya yeni yaranan şərtlər çərçivəsində hərəkət edəcək. Rusiyanın Cənubi Qafqazdakı hərbi mövcudluğunun daha da azaldılması ilə bağlı addımları istisna etmək olmaz. Əgər Ermənistan-Türkiyə münasibətləri normallaşarsa, Gümrüdə Rusiya bazasının olmasının mənası anlaşılmaz olacaq”, - ekspert qeyd edib.

Mürtəza
Demokratikmusavat.com