Argentina yığmasının ulduzu Lionel Messi karyerası ilə bağlı maraqlı açıqlama verib. 

Demokratikmusavat.com qafqazinfo.az-a istinadən xəbər verir ki, Boliviya ilə matçda (6:0) het-trik edib 2 məhsuldar ötürmə verən kapitan hələ yoluna davam etmək istədiyini deyib: "Gələcəyimlə bağlı hər hansı tarix verə bilməyəcəm. Futbolun dadını çıxarıram, karyeramı bitirməyə tələsmirəm. Argentinada olmaq, xalqın dəstəyini hiss etmək məni bir az da motivasiya edir. Amma onu da bilirəm ki, artıq yığmada son matçlarımdır".