Rusiyada rəsmi səfərdə olan Türkiyənin xarici işlər naziri Hakan Fidan Moskvada Xarici Kəşfiyyat Xidmətinin (SVR) direktoru Sergey Narışkin ilə görüşüb.

“Report” xəbər verir ki, bu barədə “Sabah” qəzeti diplomatik mənbələrə istinadən məlumat yayıb.

Bundan əvvəl H. Fidan Rusiya Təhlükəsizlik Şurasının katibi Sergey Şoyqu ilə də danışıqlar aparıb.

Qeyd olunub ki, görüşlərdə Ukraynadakı nizamlanma, Qəzza zolağında, Suriyadakı vəziyyət və Azərbaycanla Ermənistan arasında sülh müqaviləsinin bağlanması ilə bağlı müzakirələr aparılıb.

Fidan Rusiyaya səfəri çərçivəsində BRİKS+ ölkələrinin xarici işlər nazirlərinin görüşündə iştirak edəcək. Onun rusiyalı həmkarı Sergey Lavrovla danışıqlar aparacağı gözlənilir.