Valyutadəyişmə məntəqələrinin müstəqil şəkildə fəaliyyətinin daha detallı tənzimlənməsi ölkəmizdə turizmin inkişafı fonunda daha çevik valyutaların dəyişilməsinə imkan verəcək.

"Demokratikmusavat.com" xəbər verir ki, bunu Azərbaycan Banklar Assosiasiyasının (ABA) sədri Zakir Nuriyev deyib.

O bildirib ki, bankların fəaliyyət göstərmədiyi yerlərdə və qeyri-iş günlərində valyutadəyişmə məntəqələri çalışacaq: "Valyutadəyişmə məntəqələrinin fəaliyyəti turizmin inkişafını dəstəkləyəcək. Bu addım infrastrukturun yaradılması, inkişaf etdirilməsi, daha effektiv fəaliyyət kimi dəyərləndirilməlidir".