Mədəniyyət Nazirliyindən Yaşar Nurinin həyat yoldaşının iddialarına reaksiya

 

Mədəniyyət Nazirliyi mərhum Xalq artisti Yaşar Nurinin xanımı Rəhimə Nuriyevanın nazir Adil Kərimlinin qəbuluna düşə bilməməsi ilə bağlı səsləndirdiyi iddialara cavab verib.

Nazirlikdən Demokratikmusavat.com -ın sorğusuna cavab olaraq bildirilib ki, bu barədə nazirliyə hər hansı müraciət daxil olmayıb:

"Görkəmli teatr və kino aktyoru, Xalq artisti, dövlət mükafatı laureatı mərhum Yaşar Məmmədsadıq oğlu Nuriyevin sənət, yaradıcılıq, sosial qayğıları daim dövlətin və Mədəniyyət Nazirliyinin diqqətində olub. 

Mərhum Xalq artisti Yaşar Nurinin xanımı Rəhimə Nuriyevanın mətbuatda səsləndirdiyi fikirləri  ilə bağlı yayılan məlumatlara cavab olaraq bildiririk ki, nazirliyə bu məsələ ilə bağlı son aylarda onun və yaxınları tərəfindən heç bir müraciət daxil olmayıb",- cavabda qeyd edilib.

Qeyd edək ki, R.Nuriyeva  daha əvvəl nazir Adil Kərimlinin qəbuluna düşmək istəsə də, onunla maraqlanan olmadığını demişdi. Mərhum xalq artistinin həyat yoldaşı həmçinin Yaşar Nurinin adının küçəyə verilməməsi və yaşadığı evin qarşısında lövhə quraşdırılmamasından gileylənmişdi.

Billurə Yunus

0.1691038608551