“PAŞA Sığorta”nın sədrinə yeni vəzifə verildi

 

"Azərbaycan Sığortaçılar Assosiasiyası" (ASA) İctimai Birliyinin Müşahidə Şurasına (MŞ) yeni sədr seçilib.

Qurumdan Demokratikmusavat.com a verilən məlumata görə, bu, “PAŞA Sığorta” ASC-nin İdarə Heyətinin (İH) sədri Ülviyyə Cabbarovadır.

O, yeni vəzifəsində bir qədər əvvəl Əmək və Əhalinin Sosial Müdafiəsi Nazirliyinin Dayanıqlı və Operativ Sosial Təminat (DOST) Agentliyinin İH sədrinin müşaviri təyin edilmiş və bununla da sığorta sektorunu tərk etmiş “Atəşgah Sığorta" ASC-nin İH-nin keçmiş sədri Azər Əliyevi əvəzləyib.

Sədr təyinatı ilə bağlı qərar ASA-nın MŞ-nın ötən gün keçirilmiş növbədənkənar iclasında qəbul edilib. Yeni sədrin namizədliyi səsvermə yolu ilə, yekdilliklə dəstəklənib.

Azərbaycanda fəaliyyət göstərən 5 həyat, 14 qeyri-həyat, 1 aqrar və 1 təkrarsığorta olmaqla bütün sığorta şirkətləri ASA-nın üzvüdür.

0.29107689857483