"Hesab edirəm ki, FIFA bu hakimi bizim oyunumuza təyin etməklə böyük riskə gedir".

"Demokratikmusavat.com"ın məlumatına görə, bunu Xorvatiya millisinin baş məşqçisi Zlatko Daliç Qətərdəki dünya çempionatında Mərakeşə qarşı keçirəcəkləri 3-cü yer uğrunda oyunun hakim təyinatları bağlı danışarkən deyib.

56 yaşlı mütəxəssis bildirib ki, prinsipial matçın qətərli Əbdülrəhman Əl-Cassimə həvalə edilməsi doğru qərar deyil: "Ümid edirəm ki, matçdan sonra hakimin hərəkətinə münasibət bildirməyəcəyik. Mən onun tərəfindən hər şeyin düzgün olmasını istərdim".

Qeyd edək ki, dekabrın 17-də oynanılacaq Xorvatiya - Mərakeş görüşü Bakı vaxtı ilə saat 19:00-da başlayacaq.