Məndə iki alınmadı

Elnur Uğur Abdiyev :

Ha bir üstə gəldim biri,

Məndə iki alınmadı.
Özüm bölündüm ikiyə,
Gördüm birində milliyəm,
Birim elə alınmadı.

İllərdir gecə oyağam,
Özüm- özümə dayağam.
Yıxıldım, tutdum özümdən,
Baxdım başımdan ayağa
Bildim düyün alındadı.

Son güllətək son arzunu,
Çax alına alındımı?
Alnım bəxtsiz saitlərin,
Həsrətimtək qalındımı?
Onda niyə alınmadı?

Demokratikmusavat.com