Rusiyada, Tıva Respublikasının Ali Məhkəməsi iki qızı qətlə yetirən 24 yaşlı yerli sakini 25 il müddətinə azadlıqdan məhrum edib.

Milli.Az bildirir ki, bu barədə respublika prokurorluğunun nümayəndəsi İqor Oyun məlumat verib.

Kişi köməksiz vəziyyətdə olan azyaşlıları vəhşicəsinə qətlə yetirməkdə təqsirli bilinib. O, ilk beş ilini həbsdə, qalan müddətini isə ciddi rejimli koloniyada keçirəcək.
Ətraflı

Məhkəmə müəyyən edib ki, 2021-ci il oktyabrın 30-na keçən gecə Kızılda 9 və 14 yaşlı qızlar mənzildə səs-küy salıb, kişinin iradlarına cavab verməyib və onun televizora baxmasına mane olublar. O, əsəbiləşərək qızları səkkizinci mərtəbənin pəncərəsindən atıb.

Hündürlükdən yıxılma nəticəsində kiçik qız yerindəcə, böyüyü xəstəxanada dünyasını dəyişib. Məhkəmədə həmin şəxs özünü təqsirli bilməyib.