Quantanamo Körfəzindəki məşhur həbsxana bağlana bilər.
Demokratikmusavat.com xəbər verir ki, 11 sentyabr 2001-ci il hücumlarından sonra ABŞ-ın başlatdığı “terrorizmə qarşı qlobal müharibə” siyasəti çərçivəsində Kubanın Quantanamo körfəzində qurduğu həbsxananın bağlanması üçün işlər sürətləndirilib.
Belə ki, bura ilk dəfə yüksək səviyyəli diplomat təyin edilib. Bu adın məhbusların başqa yerlərə aparılmasına nəzarət edəcəyi bildirilib.
“Wall Street Journal”ın mövzu ilə bağlı məlumatlı mənbələrə əsaslanan xüsusi hesabatına görə, seçki kampaniyasında da bu məsələyə önəm verən Co Bayden ilk dəfə konkret addım atıb.
Mütəxəssislər ABŞ administrasiyasının terrorla müharibədə yumşaq görünməmək üçün doğru zamanı gözlədiyini bildirib. Texas senatoru Ted Kruz kimi bəzi respublikaçılar iddia edirlər ki, həbsxanaın bağlanması terrorçulara və dünyaya yanlış mesaj verəcək.
1903-cü ildə ABŞ Hərbi Dəniz Qüvvələri üçün Kubadan icarəyə verilən torpaqda 2002-ci ildə qurulan həbsxana zamanla işgəncə simvoluna çevrilib. İndiyədək 800-ə yaxın şəxsin həbsdə olduğu Quantanamoda bu gün cəmi 36 məhbus var. Ən yeni sakin 2008-ci ildə gəlib.
11 sentyabr hücumunu təşkil etməkdə və hücumu həyata keçirən təyyarə qaçıranlara maddi-texniki dəstək verməkdə günahlandırılan Quantanamo Hərbi Dəniz Bazasının hərbi məhkəməsində əl-Qaidə üzvü Xalid Şeyx Məhəmməd də daxil olmaqla 9 nəfər mühakimə olunur.
Hərbi məhkəmə prosesi başa çatdıqdan sonra vaxtaşırı yoxlamaya məruz qalan məhbusların ekstradisiya üçün yararlı olub-olmaması qiymətləndirilir. Lazımi proseslər tamamlandıqdan sonra geri qaytarılacaq ölkə ilə lazımi yoxlama prosedurları müzakirə edilir.
Məlum olub ki, Obama dövründə azadlığa buraxılan və ya ekstradisiya edilənlərin 85 faizinin heç bir şəkildə terrorla əlaqəsi yoxdur, lakin Quantanamodan 197 məhbusun azad edilməsi illər çəkmişdi.
Baydenin də qalan məhbusları azad etməsinin uzun müddət çəkə biləcəyi müzakirə olunur. Xüsusilə Konqresin təzyiqi altında ABŞ ictimaiyyətinin Quantanamo həbsxanasını bağlamasının çox da mümkün olmadığı düşünülür.
Billurə
