Rusiyalı ermənipərəst politoloq, “Regnum”un rəhbəri Modest Kolerov açıqlamasında KTMT və Moskvanın Ermənistana dəstək verməməsinin səbəblərini açıqlayıb.

“Demokratikmusavat.com ” xəbər verir ki, rusiyalı ekspert “hraparak”a açıqlamasında KTMT-nin niyə Ermənistanı dəstəkləməməsi ilə bağlı məsələyə aydınlıq gətirərək deyib: “KTMT üzvlərinin əksəriyyəti Bakının tərəfindədir və orada qərarlar konsensusla qəbul edilir”.

- Bəs KTMT-də əsas diktə edən tərəf Kreml deyilmi?
- Xeyr, Kreml KTMT-də konsensusun necə olmasını diktə edə bilməz.

- Belə çıxır ki, Rusiya yaratdığı strukturda gündəmi diktə edə bilmir?
- Dinləmədikləri üçün diktə edə bilmir. Bax, belə işlər.

- KTMT-nin fəaliyyət göstərməyən struktur olduğunu demək istəyirsiniz?
- Təşkilat ilin əvvəlində Qazaxıstanda uğur qazansa da, ölü qurumdur.

- Ortada siyasi şantaj elementləri var?
- Bundan söhbət gedə bilməz. Ermənistanın sərhədləri müəyyən olunmalıdır. Azərbaycanla rəsmi sərhədi yoxdur, bununla bağlı danışıqlara belə başlamayıblar. 

- Rusiya tərəfi atəşkəslə bağlı razılığın əldə olunduğunu açıqladı, lakin Azərbaycan tərəfi Ermənistanın suveren ərazisində hərbi əməliyyatları davam etdirir. Azərbaycan Kremllə əldə olunan razılaşmaya niyə hörmət etmir?
- Bakı İrəvanı hərbi əməliyyatlara başlamaqda ittiham edir, lakin Rusiyanı da nadir hallarda dinləyir.

- Bəs siz azərbaycanpərəst mövqedə olan KTMT-nin bir gün anti-Rusiya strukturuna çevriləcəyindən qorxmursunuz? Anladığım kimi, Bakı KTMT-də liderdir, Kreml isə qərarlara təsir edə bilməz.
- Kremlin Bakıya qarşı qısqanclığını oyatmağın mənası yoxdur. Ermənilərin əvəzinə Ermənistanı müdafiə etməyəcək.

- Bizi qoruyun demirik, soruşuruq ki, ikitərəfli qarşılıqlı yardım müqaviləsi niyə işləmir?
- Ona görə deyirəm: qanuni sərhədiniz haradadır, göstərin!? Yoxdur.

Mürtəza 
Demokratikmusavat.com