2015-ci ildə Avropa ölkələrinin konsulluqlarına Şengen müraciəti üçün müraciət edən hər 100 azərbaycanlıdan 5-i rədd edilsə də, 2021-ci ilin sonuna görə bu rəqəm 2 dəfə artaraq hər 100 azərbaycanlıdan 10-a yüksəlib.

Demokratikmusavat.com AviaTravel-ə istinadən xəbər verir ki, hazırda hər 5 müraciətdən 1-i Şengen ölkələri tərəfindən rədd edilir. 2015-ci ildə yüzdə 95,71 olan viza müraciətlərinin qəbul nisbəti yüzdə 80,98-ə düşüb. Hər il əvvəlkindən daha az qəbul olub.

Cədvəldə 2015-2021-ci illər arasında statistikanı görmək və eləcə də Azərbaycandan Şengen vizası almaq üçün müraciətlə bağlı vəziyyəti görə bilərsiniz. 

Birdən çox viza rədd cavabı alanlar nə etməlidirlər?

Məlum olduğu kimi, Avropa ölkələrində viza müraciətlərinin rədd edilməsinə səbəb göstərmək vərdişi yoxdur. Bu səbəbdən də "Mən niyə rədd edildim" sualına rəsmi cavab almaq mümkün deyil.

- Viza müraciətinin rədd edilməsi üçün heç bir məntiqi səbəb yoxdursa, ilk dəfə rədd edildiyi konsulluğa etiraz məktubu yazın.
- İki imtinadan sonra asan viza ala biləcəyinizi düşündüyünüz digər Aİ ölkələrinə müraciət etməyin.
- İki imtinadan sonra ilk imtinanı aldığınız ölkəyə müraciət edin.
- Birinci imtinanı aldığınız ölkəyə yeni ərizənizdə ikinci və ya əgər varsa üçüncü imtinanı xatırladın.
- Müraciətinizin açıq-aşkar rədd edilməsinə baxmayaraq, niyə təkrar müraciət etdiyinizi izah edərək yazın.