Türkiyədə enerji tələbatını ödəmək üçün bir neçə atom elektrik stansiyasına ehtiyac var.

Demokratikmusavat.com xəbər verir ki, bu barədə Türkiyə Nüvə Sənayesi Assosiasiyasının rəhbəri Alikaan Çiftçi İstanbulda keçirilən Beynəlxalq Atom Elektrik Stansiyaları Sammitində bildirib.

"Hazırda dünyanın 19 ölkəsində, o cümlədən Türkiyədə 51 reaktorun tikintisi davam edir. Bizim hesablamalarımıza görə, 2050-ci ilə qədər nüvə enerjisi istehsalına qlobal investisiyalar ildə orta hesabla 100 milyard dollardan çox olacaq. Göründüyü kimi, Türkiyənin daha bir neçə reaktora ehtiyacı olacaq. Akkuyu AES kimi elektrik stansiyaları enerjiyə sürətlə artan tələbatı ödəmək və onun dayanıqlı inkişafını təmin etmək məqsədi daşıyır”, - Çiftçi deyib.