Şaxta babanın Laplandiyada Rovaniemi “doğma şəhəri”ndəki tematik (əyləncə) parkı düşmənin Finlandiyaya potensial hücumu halında minlərlə insana bomba sığınacağı kimi qucaq aça bilər.

Demokratikmusavat.com xəbər verir ki, Rovaniemidəki Santa-Klausun Milad iqamətgahına hər il minlərlə insan gəlir. Yeraltı dəhlizlərdə Şaxta babanın poçt şöbəsi, elf məktəbi, sənətkarlıq emalatxanaları və Milad ağacları yerləşir.

Bununla belə, yeraltı məkan ilkin olaraq şənliklər məqsədilə tikilməmişdi, çünki bombalanma, kimyəvi və ya nüvə hücumu zamanı bomba sığınacağı kimi 3600-ə qədər insanı yerləşdirmək üçün nəzərdə tutulmuşdu.

Sığınacaqda düşərgə çarpayıları, ilk yardım dəstləri və hətta struktur çökərsə, yenidən səthə doğru tunel qazmaq üçün avadanlıqlar var. Su ayrı mənbədən verilir, baxmayaraq ki, burada gizlənəcək insanlar özləri ilə yemək gətirməli olacaqlar.

“Böhran baş verərsə, Rovaniemi əhalisi burada qorunacaq”, - deyə Rovanieminin 54 yaşlı təhlükəsizlik rəisi Tapio Hietakanqas qeyd edib.

Şaxta babanın sığınacağı İkinci Dünya müharibəsi zamanı Skandinaviya xalqının Sovet İttifaqı ilə iki müharibəsindən sonra tikilmiş təxminən 50 000 sığınacaqdan yalnız biridir.