Ukrayna Silahlı Qüvvələrinin Baş Qərargahı cəbhədə 30 may 06:00-dək olan vəziyyəti açıqlayıb.

Demokratikmusavat.com xəbər verir ki, məlumatda deyilir:

“Rusiya düşməni Şərqi Əməliyyat Zonasında hücum əməliyyatlarını dayandırmır. Volın və Polissya istiqamətlərində ciddi dəyişiklik yoxdur.

Siverski istiqamətində Rusiya düşməni Sumı vilayətindəki Zapsillya, Myropillya yaşayış məntəqələri ərazilərindəki obyektlərə aviazərbələr endirib və Kindrativka yaxınlığında artilleriya atəşinə tutulub.

Xarkov istiqamətində isə rus düşməni Xarkov şəhərinin şimal və şimal-şərqindəki əraziləri, həmçinin Ruski Tışki, Çerkassı Tışki, Ruska Lozova, Pitomnik, Borşçova və Peremoha yaşayış məntəqələrini atəşə tutub.
Slovyansk istiqamətində rus düşmən qrupu İzyum - Barvinkove, İzyum - Slovyansk istiqamətlərində hücumu bərpa etmək üçün qoşunlarını yenidən toplayır.

İtki verən bölmələrin maddi-texniki təminatı və doldurulması çərçivəsində Rusiya düşməni müvəqqəti işğal olunmuş yaşayış məntəqələrinə 250-dən çox silah və hərbi texnika yeridib. 

Donetsk istiqamətində Rusiya təcavüzkarının bölmələri Lisiçansk və Severodonetsk rayonlarında qoşunlarımızı mühasirəyə almaq və əsas logistika yollarını bağlamaq üçün hücum əməliyyatlarına diqqət yetirir.

Baxmut istiqamətində rus işğalçıları Olexandropilla - Komyshuvakha istiqamətində növbəti hücum üçün yenidən qruplaşırlar.

Zaporojjya istiqamətində rus işğalçıları Melitopol ərazisindən Vasilivka istiqamətində 120-yə qədər silah və hərbi texnika daşıyaraq qrupu gücləndirib.

Cənubi Buq bölgəsində Rusiya düşməni səylərini işğal etdiyi sərhədlərin qorunmasına, qoşunlarımızın hərəkətlərinin qarşısının alınmasına və Müdafiə Qüvvələrinin ehtiyatlarının başqa ərazilərə keçirilməsinin qarşısını almağa yönəltməkdə davam edir.

Krivı Roq istiqamətində Rusiya düşməni qoşunlarımızın mövqelərini artilleriya atəşinə tutmaqda davam edir və əks batareya döyüşü aparır.

Qara dəniz və Azov əməliyyat zonalarında vəziyyətlə bağlı ciddi dəyişiklik qeydə alınmayıb.

Son 24 saat ərzində Donetsk və Luqansk istiqamətlərində düşmənin 14 hücumu dəf edilib, iki artilleriya sistemi, on bir zirehli döyüş maşını və düşmənin on texnikası məhv edilib. Hava Hücumundan Müdafiə bölmələri iki qanadlı raketi və üç “Cube” tipli PUA-nı vurub.
Hərbi Hava Qüvvələrinin qırıcıları bir gün əvvəl Sumi rayonu üzərində düşmənin iki PUA-sını vurublar.

Billurə