“Biz Rusiyaya təzyiqləri artırmağa davam etməliyik”.

“Qafqazinfo” xarici KİV-ə istinadən xəbər verir ki, bunu Avropa Komissiyasının rəhbəri Ursula von der Leyen  Avropa İttifaqına sədrliyi üçün səfər etdiyi İsveçdə Baş nazir Ulf Kristersson ilə keçirilən birgə mətbuat konfransında deyib.

Leyen bu aydan etibarən Ukrayna üçün 18 milyard avroluq dəstək paketinin ilk hissəsini verəcəklərini bildirib.

Von der Leyen bunun Aİ-nin hər hansı tərəfdaş ölkəyə təklif etdiyi ən böyük makro maliyyə yardımı paketi olduğunu vurğulayaraq, Ukraynanın yenidən qurulmasına da hazırlaşdıqlarını qeyd edib. O, G7 ilə birlikdə qurduqları beynəlxalq ianə platformasının bu ay fəaliyyətə başlayacağını deyib.