ABŞ-da 2022-ci ilin avqustun 30-dan bəri naməlum uçan obyektlərin (UNO) aşkarlanması ilə bağlı 500-dən çox hadisə qeydə alınıb.

Demokratikmusavat.com bizim.media-ya istinadən xəbər verir ki, bu barədə ABŞ Milli Kəşfiyyat İdarəsinin hesabatında deyilir.

Hesabata görə, bunlardan 26-sı pilotsuz uçuş aparatı (PUA), 163-ü isə "şar və ya şara bənzər obyekt" kimi səciyyələndirilib.

"Bu qeyri-səciyyəvi PUA-ların bəziləri qeyri-adi uçuş xüsusiyyətləri və ya əməliyyat imkanları nümayiş etdirib və əlavə təhlil tələb edir", - hesabatda deyilir.

Sənəddən məlum olur ki, naməlum obyektlərlə bağlı yeni xəbərlərin əksəriyyəti ABŞ Hərbi Dəniz Qüvvələri və Hərbi Hava Qüvvələrinin operativ vəzifələrini yerinə yetirərkən şahidi olmuş pilot və operatorlarından gəlib.